dr. habil. Sonja Wölkowa

Serbski institut z.t.

Download
Potencial a wužiwanje internetoweje strony www.soblex.de
W dźěłarničce předstajeja so zakłady a žórła kaž tež rozdźělne scenarije wužiwanja resursow internetoweje strony www.soblex.de. Móžnosće jeje wužiwanja w šulskim konteksće so z wobdźělnikami diskutuja. Žro poskitka pod www.soblex.de je morfologiski generator za hornjoserbšćinu. Wón twori zakład za prawopisnu kontrolu a je analytiski grat za serbske słowne formy, sady a teksty.
soblex.pdf
Adobe Acrobat Dokument 1.4 MB

dr. Jana Šołćina

Serbski institut Budyšin a Institut za sorabistiku na Lipšćanskej uniwersiće

 

Download
Hornjoserbšćina jako šulska a wobchadna rěč – wuwića a tendency
W dźěłarničce so wo rozdźělnych rěčnych registrach a wo jich róli w šulskim kubłanju diskutuje. Aktualne wuwićowe tendency w zwisku ze spisownej a wobchadnej, wšědnej a šulskej resp. swójbnej a kubłanskej rěču so předstajeja. Na zakładźe přikładow ze šulskeje praksy so wo rěčnych normach diskutuje a wo tym, što so jako zmylk hódnoći. Analyza zmylkow a wašnje korigowanja stej tohorunja temje dźěłarnički.
Hornjoserbšćina jako wšědna a kubłanska
Adobe Acrobat Dokument 2.5 MB

dr. Jana Domelowa

Krajny zarjad za šulu a kubłanje

 

Download
LRS – wosebite ćeže w čitanju a prawopisu
LRS (Lese- Rechtschreibschwäche) je wosebita forma wuknjenskich mylenjow, kotraž so wosebje wobmjezuje na přiswojenje čitanja a prawopisa. Samozrozumliwy wuskutkuje so falowace wukmanjenje w čitanju a prawopisu na wuwićowe perspektiwy a powšitkownu žiwjensku zdźěłanosć čłowjeka. Z psychologiskeho wida su w tutym zwisku wosebje tež wuskutki na powšitkownu wuknjensku motiwaciju a wuwiće sebjedowěry dźěsća wuznamne. Dźěłarnička ma zaměr, z šulsko-psychologiskeje perspektiwy wědu k móžnym přičinam LRS a k jeje rozeznawanju wot druhich wuknjenskich mylenjow sposrědkować. Maja so móžnosće pokazać, LRS jako wučer z časom spóznać a dźěćo wotpowědnje we wuknjenju podpěrować. Spóznać LRS pola dwurěčnych dźěći je wosebite wužadanje. Na zakładźe analyzoweje pomocy, kotraž je so wosebje za dźěło ze serbskimi zakładnymi šulerjemi wuwiła, maja so w dźěłarničce wosebitosće diagnostiki pola dwurěčnych dźěći diskutować.
LRS.pdf
Adobe Acrobat Dokument 8.5 MB

Diana Šołćina I Beno Hoyer

Serbska wyša šula “Michał Hórnik” Worklecy

 

Download
Explainity – Kak ze šulerjemi rozkładowanske wideja nadźěłamy
“Explainity education-projekt” je po wuprajenju wobhospodarjow webstrony www.explainity.de/education-project/ přinošk k runoprawnemu přistupej ke kubłanju. Jich narok je kompleksne temy zjednorjeć a wšitkim spřistupnjeć. Metoda “explainity” skića mnohostronske móžnosće za diferencowanu wučbu a kreatiwne rozestajenje z wučbnymi wobsahami. Papjera, nožicy, čorny pisak a dobre ideje su trjeba, zo by stawizna za rozkładowace widejo w ramiku šulskeje wučby nastała. Kompleksne wobsahi rozklučować a na kreatiwne wašnje sobušulerjam prezentować, je narok a runočasnje pohon tuteje metody. Šulerki a šulerjo wuwiwaja a skrućuja w samostatnym skupinskim dźěle swoju wěcnu, socialnu a medijowu kompetencu. Na zakładźe konkretnych přikładow maja wobdźěleni na dźěłarničce metodu “explainity” zeznać a nałožować. Prošu přinjesće sej Waš smartphone sobu.
Explainity-1.pdf
Adobe Acrobat Dokument 734.9 KB
Download
hodnocenje explainity.pdf
Adobe Acrobat Dokument 50.3 KB
Download
VIDEO-2018-10-29-11-10-58.mp4
MP3 Audio Datei 15.5 MB